Türkiyə Azərbaycandan daha çox qaz istəyir - Nazirin açıqlaması

Türkiyə Azərbaycandan təbii qaz təchizatını artırılması istiqamətində işlərin sürətlə irəliləməsini arzulayır.

 

Sfera.az report-a istinadən xəbər verir ki, bunu Türkiyənin enerji və təbii sərvətlər naziri Alparslan Bayraktar bu gün İzmir şəhərində keçirilən Azərbaycan-Türkiyə IV Enerji Forumunda çıxışı zamanı bildirib.

 

Onun sözlərinə görə, bu günə qədər neft-qaz sahəsində həyata keçirilən birgə layihələr ortaq baxışıın hədəfli və nəticə yönümlü olduğunu göstərir: ""Azəri-Çıraq-Günəşli" və "Şahdəniz" yataqları ilə təməli atılmış əməkdaşlığımız, bu il imzalanmış "Şəfəq-Asiman" yatağı ilə bağlı müqavilə ilə yeni mərhələyə keçib.

 

"Qarabağ", "D130" və "Dostluq" sahələrində də əməkdaşlığımızı gücləndirmək əsas hədəflərimiz arasındadır. Ötən il mayın 14-də Türkiyə və Azərbaycan arasında təbii qaz sahəsində imzalanmış əməkdaşlıq memorandumu bu çərçivədə çox böyük əhəmiyyət kəsb edir. Bu sənəd ölkələrimizn enerji təhlükəsizliyini gücləndirəcək və regional əməkdaşlığımızı daha da artıracaq".