Dünyada ən çox və ən az bahalaşan məhsullar

"ICE Futures", "CME Group" və "Şanxay Metallar Birjasının" məlumatlarını təhlil edən ekspertlər avqust ayında dünyada ən çox bahalaşan məhsulların "Robusta" və "Arabica" qəhvə növləri olduğunu müəyyənləşdiriblər.

Sfera.az teleqraf-a istinadən xəbər verir ki, dünya üzrə ən çox ucuzlaşanlar isə ağac və mis materiallar olub.

"Robusta" qəhvəsinin qiyməti avqustda 1,5 dəfə, "Arabica"-nın qiyməti isə 29% artıb. Bundan başqa, London birjasında şəkərin qiyməti 4,9% yüksəlib. Amerika bazarında isə soyanın qiyməti qalxıb.

Maqnit istehsalında istifadə edilən neodimium, avqust ayında qiyməti 20% artaraq, yayın sonunda dünyanın ən bahalı metalı olub. Litiumun qiyməti 9,2%, ərintilərin və katalizatorların hazırlanması üçün lazım olan molibdenin qiyməti isə 7,7% artıb.

Avqustda dünyanın ən ucuz əmtəəsi taxta-şalban olub, belə ki, qiymətlər 19,2% ucuzlaşıb. Misin qiyməti isə 18,3% ucuzlaşıb. Avqust ayında qiymətləri ucuzlaşan üçüncü məhsul isə portağal şirəsi olub. Dünya bazarlarında portağal şirəsinin qiyməti bu ay 13,7% ucuzlaşıb.