Əhalinin mənzil təminatının yaxşılaşmasında ipoteka kreditlərinin rolu əvəzsizdir. Hökumətlər müxtəlif sosial dövlət proqramları vasitəsilə ipoteka kreditləşməsini dəstəkləyirlər, xüsusilə də həssas sosial qrupların belə kreditlərə əlçatanlığını artırmaq siyəsi yürüdür. Cənubi Qafqaz ölkələrində müxtəlif sosial qruplara hədəflənmiş dövlət proqramlar həyata keçirilər. Əhali və iqtisadiyyatın həcminə görə bir-birindən fərqlənən bu 3 ölkədə ipoteka bazarı da fərqli inkişaf edir.

Sfera.az iqtisadçı-ekspert Samir Əliyevə istinadən xəbər verir ki, Cənubi Qafqaz ölkələrində fəaliyyət göstərən bankların ipoteka portfeli fərqlidir.

Onun apardığı analizə görə, bu ölkələr arasında ipoteka kreditləşməsinin həcminə görə Gürcüstan liderdir. 2025-ci ilin birinci yarısında Gürcüstanda ipoteka kreditləşməsinin həcmi 4,7% artaraq 4,3 milyard dollardan 4,6 milyard dollara yüksəlib.

2025-ci ilin ilk yarısında Azərbaycan və Ermənistanda protfelin artımı eyni səviyyədə - 4,4% olub. Bununla belə Ermənistanda bankların verdiyi ipoteka kreditlərinin həcmi Azərbaycan bankları ilə müqayisədə çoxdur.

"Azərbaycanda ipoteka krediti portfeli 2,6 milyard dollar olduğu halda, Ermənistan 4 milyard dollara çatıb", - deyən S. Əliyev qeyd edib ki, kredit portfelində ipoteka kreditlərinin payı Gürcüstanda 18,8%-ə, Ermənistanda 21,8%-ə, Azərbaycanda isə 15,6%-ə bərabər olub:

"Diqqəti çəkən əsas məqam odur ki, hazırda adambaşına düşən ipoteka kreditinin həcmi təxminən Gürcüstanda $1240-a, Ermənistanda $1289-a, Azərbaycanda isə $255-ə bərabərdir. Azərbaycanda əhalinin sayı digər ölkələrdən təxminən 3 dəfə çoxdur, ancaq ipoteka krediti portfelinin həcmi 1,5-2 dəfə, adambaşına düşən ipoteka kreditinin həcmi 5 dəfə azdır".

Altay

Azərbaycanda adambaşına 255 dollar ipoteka krediti verilib