Azərbaycanda ən çox istifadə edilən əməliyyat sistemləri - Müqayisə
Bu ilin iyul ayında “Android” əməliyyat sisteminin Azərbaycan bazarında payı əvvəlki ayla müqayisədə 13,07 faiz bəndi azalaraq 57,92 faiz təşkil edib.
Sfera.az Trend-ə istinadən xəbər verir ki, bu barədə “Global Stats” Statistika Mərkəzi məlumat verib.
Məlumata əsasən, Azərbaycanın əməliyyat sistemi bazarında ikinci yeri “Microsoft Windows” proqram məhsulları tutur.
Belə ki, cari ilin iyun ayı ilə müqayisədə iyulda “Microsoft Windows” əməliyyat sisteminin ölkə üzrə bazar payının həcmi 6,1 faiz bəndi artaraq 18,33 faizə bərabər olub.
Üçüncü mövqedə 13,55 faiz bazar payı ilə iOS əməliyyat sistemi qərarlaşıb. Bu əməliyyat sisteminin ölkə üzrə bazar payı cari ilin iyun ayı ilə müqayisədə iyulda ayında 3,89 faiz bəndi artıb.
Hesabat dövründə digər əməliyyat sistemləri üzrə olan pay bölgüsü: “OS X” – 1,61 faiz, “Linux” – 1,27 faiz, naməlum əməliyyat sistemləri – 2,69 faiz, “Samsung” – 0,27 faiz, “Chrome O” – 0,01 faiz, “macOS” – 2,54 faiz, digərləri – 0,03 faiz.
