ABŞ tariflərdə mühüm dəyişiklik etdi – Bu tarixdə qüvvəyə minəcək

ABŞ Prezidenti Donald Tramp dünyanın bir sıra ölkələrinə qarşı yeni idxal rüsumlarının tətbiqi ilə bağlı sərəncam imzalayıb. 

 

Sfera.az “CNN”ə istinadən xəbər verir ki, yeni tariflər əvvəlcə gözlənildiyi kimi avqustun 1-də deyil, avqustun 7-dən qüvvəyə minəcək. Qərarın gecikdirilməsi gömrük və sərhəd xidmətlərinə yeni rüsumların toplanması üçün texniki hazırlıq imkanı yaratmaq məqsədi daşıyır.

 

Yeni tarif rejiminə əsasən İsveçrədən idxal üçün vergi faizi 31-dən 39-a yüksəldilib. Lixtenşteyn üçün rüsum 37 faizdən 15 faizə endirilib. Fərmanda qeyd olunmayan ölkələrə isə 10 faiz baza tarifi tətbiq olunacaq.

 

Sərəncamda ABŞ-nin əsas ticarət tərəfdaşları - Avropa İttifaqı, Yaponiya, Cənubi Koreya, Böyük Britaniya və Filippinlə əldə olunan razılaşmalar da rəsmiləşdirilib.

 

Xatırladaq ki, Tramp aprelin 9-da idxal tariflərinin artırılması ilə bağlı qərarların icrasını 75-dən çox ölkənin dialoq tələbi səbəbindən əvvəlcə 9 iyula, daha sonra isə 1 avqusta qədər təxirə salmışdı.

 

Fidan Hacızadə
Sfera.az