Yeni növ betan hazırlanıb - O, karbon emissiya etməyəcək

Dünyada ilk dəfə karbon emissiyasız beton hazırlanıb.

Sfera.az xəbər verir ki, bu material UCLA tərəfindən düzəldilib.

“Karbon mənfi beton” CO₂-ni udur və emissiyaları 50%-dən çox azaldır.

Belə ki, istehsal zamanı böyük miqdarda CO₂ buraxan ənənəvi sementdən fərqli olaraq, bu innovativ material quruduqca havadan karbon dioksidi udur və onu daimi olaraq öz strukturunda saxlayır.

Sənaye tullantılarından istifadə edilərək xüsusi karbon-reaktiv birləşmələrlə birlikdə hazırlanmış bu beton zaman keçdikcə daha da möhkəmlənir və atmosferi təmizləməyə kömək edir.

Yollarda, binalarda və hətta 3D çap edilmiş strukturlarda istifadə edilən “karbon-mənfi beton” daha təmiz tikinti gələcəyinə yol açır. O, dünyanın ən çirkli materiallarından birini iqlim dəyişikliyi ilə mübarizə alətinə çevirir.

Qeyd edək ki, hesabatlara görə, beton qlobal karbon emissiyalarının 5%-10%-ni təşkil edir. Bu səbəbdən betonun daha təmiz bir şəkildə istehsalı üçün sıx səylər göstərilir. 

Firuzə Əliyeva
Sfera.az