Rusiyada neft-qaz hasilatı azalıb: "Ödənişlərlə bağlı çətinliklər yaşayırıq"

Bu il Rusiyada neft və qaz hasilatında azalma müşahidə edilir. 

Sfera.az Anadolu Agentliyinə istinadən xəbər verir ki, bunu Rusiyanın energetika naziri Sergey Çivilev Rusiya parlamentinin yuxarı palatası olan Federasiya Şurasında Rusiyanın enerji sektorundakı vəziyyətlə bağlı çıxış edən zaman açıqlayıb. 

O qeyd edib ki, 2025-ci ilin ilk 5 ayında keçən ilin eyni dövrü ilə müqayisədə neft hasilatı 3,5 faiz azalaraq 211 milyon tona, təbii qaz hasilatının isə 3 faiz azalaraq 290 milyard kubmetrə düşüb.

Çivilev qeyd edib ki, hazırda ödənişlərlə bağlı çətinliklər yaşayırlar:

"İndi əməkdaşlıq etdiyimiz hər bir ölkə ilə bu məsələni ayrı-ayrılıqda həll edirik. Ödənişlərin milli valyuta ilə edilməsində ciddi irəliləyiş əldə etdik".

Vasif