Çin Azərbaycan bazarında yenidən liderliyə yüksəlib
Azərbaycanın idxal bazarında Çin yenidən liderliyə yüksəlib.
Sfera.az xatırladır ki, 2025-ci ilin ilk aylarında Rusiya Azərbaycana idxalda əsas ölkə idi.
Amma may ayının sonunda vəziyyət dəyişdi və idxalda Çin Rusiyanı ötdü.
Yanvar-may ayları ərzində idxal edilən 9,965 milyard dollarlıq malın 17,3 faizi, yəni 1,73 milyard dolları Çinin payına düşüb.
Rusiyadan idxalın həcmi isə 1,715 milyard dollar təşkil edib.
Sıralamada üçüncü yerdə 1,013 milyard dollarla Türkiyə qərarlaşıb.
Qeyd edək ki, son 2 ilə qədər Azərbaycan daha çox məhsulu Rusiyadan alırdı. Lakin 2023-cü ilin sonlarına doğru və 2024-cü ildə Çin liderliyi ələ alıb.
2025-ci ilin ilk 5 ayının nəticələri göstərir ki, Çin Azərbaycanın idxal bazarında əsas payçı olmağa davam edəcək.
Vasif
