Meyvəçilik və Çayçılıq Elmi-Tədqiqat İnstitutu ilə TİKA arasında əməkdaşlıq - FOTO
Lənkəran Elmi Təcrübə Mərkəzi ərazisində iki istixana istifadəyə verilib. Yeni istixanalar vasitəsi ilə bir il ərzində 20.000 ədəd sitrus və 100.000 ədəd çay tinginin yetişdirilməsi planlaşdırılır.
Sfera.az bildirir ki, KTN Meyvəçilik və Çayçılıq Elmi-Tədqiqat İnstitutu ilə Türk Əməkdaşlıq və Koordinasiya Agentliyi (TİKA) arasında uğurlu əməkdaşlığın nəticəsi olaraq açılış mərasimi keçirilib.
Açılış mərasimində Meyvəçilik və Çayçılıq Elmi-Tədqiqat İnstitutunun başda direktoru İlham Qaraqurbanlı, TİKA sədr müavini cənab Ümit Naci Yorulmaz, Kənd Təsərrüfatı Nazirliyinin Bitkiçiliyin təşkili və monitorinqi şöbəsinin müdiri Seymur Səfirli, TİKA Bakı proqram koordinatoru Hayrettin Özçelik, Türkiyənin Azərbaycandakı səfirliyinin nümayəndələri və MÇETİ Lənkəran ETM əməkdaşları iştirak edib.
