Avropanın ən bahalı ölkələri hansılardır? - Müqayisə

Türkiyənin dövlət statistika təşkilatı Avropa ölkələrində bahalılıq səviyyəsini əks etdirən məlumat açıqlayıb. 

Sfera.az Türkiyə mediasına istinadən xəbər verir ki, Avropanın hər bir ölkəsində ev təsərrüfatlarının eyni mal və xidmətlərin alınmasına çəkdiyi xərclər əsasıda bahalılıq səviyyəsi müəyyənləşdirilib. 

Müqayisədən görünür ki, Avropada ən bahalı ölkə İsveçrədir. İsveçrə ilə Türkiyəni müqayisə etdikdə məlum olur ki, burada bir ev təsərrüfatının eyni miqdarda mal və xidmət alması üçün Türkiyədən 3,26 dəfə çox vəsait xərcləməlidir. 

Türkiyəni əsas kimi götürdükdükdə, aydın olur ki, burada 53 avro olan mal və xidmət səbətini İsveçrədə 174 avroya almaq mümkündür. 

Müqayisə göstərir ki, Avropada İsveçrədən sonra ən bahalı 5 ölkə İslandiya (səbətin dəyəri 162 avro), Danimarka (143 avro), İrlandiya (133 avro), Lüksemburq (124 avro) və Norveçdir (117 avro).

İlk onluğu isə Finlandiya (117 avro), Belçika (117 avro), Hollandiya (116 avro) və İsveç (115 avro) tamamlayır. 

Altay