Ötən il qadınlar üçün orta əməkhaqqı 790 manat olub

Əmək, təhsil, iqtisadi və sosial hüquqların həyata keçirilməsi sahəsində, həmçinin qeyri-hökumət təşkilatları, həmkarlar ittifaqları və siyasi partiyaların fəaliyyətində gender bərabərliyi təmin edilib.

Sfera.az xəbər verir ki, bunu Milli Məclisin bu gün keçirilən plenar iclasında Ailə, Qadın və Uşaq Problemləri üzrə Dövlət Komitəsinin sədri Bahar Muradova Gender bərabərliyinin təmin edilməsinə nəzarəti həyata keçirən icra hakimiyyəti orqanının 2024-cü ildə fəaliyyəti haqqında hesabatı təqdim edərkən deyib.

B.Muradova nəzərə çatdrırıb ki, 2023-cü illə müqayisədə 2024-cü ildə qadınların orta aylıq nominal əməkhaqqı 7,5% artaraq 791,1 manat, kişilərin əmək haqqı  isə 8,5% artaraq 1159,9 manat təşkil edib.  2023-cü ildə isə qadınların orta aylıq nominal əməkhaqqı 735,7 manat, kişilər üçün bu göstərici 1069,3 manat təşkil edib.
  

Firuzə Əliyeva
Sfera.az