1a:T7f1,

Rusiyaya məxsus olan və “kölgə donanması” kimi tanınan bir neçə gəmi Arktikada yerləşən bir müəssisədə yenidən adlandırılaraq rəsmi qeydiyyata alınıb. Bu addım Qərbin tətbiq etdiyi sanksiyalarından yayınmaq və Rusiya büdcəsini gücləndirmək məqsədi daşıyır.

Sfera.az xarici mediaya istinadən xəbər verir ki, iddialara görə, Yamal Yarımadasının qarşısında, Ob Körfəzinin sahilində yerləşən və enerji nəhəngi “Novatek” tərəfindən idarə olunan "Arctic LNG 2" layihəsində istifadə olunan LNG daşıyıcıları sanksiyalardan yayınmaq üçün ya mövqelərini gizlədir, ya da saxta koordinatlar təqdim edirlər.

Məlumata görə, son bir ayda dörd LNG tankeri Panamadan Rusiyaya keçib və onların adları dəyişdirilib. Bu gəmilərin əsas məqsədi, sanksiyalara baxmayaraq, Asiya bazarına mayeləşdirilmiş təbii qaz (LNG) çatdırmaqdır. Qərb sanksiyalarına qarşı həssas olmayan Çin bazarının hədəf alınması da bu strategiyanın bir hissəsi kimi göstərilir.

“Arctic Institute”un baş tədqiqatçısı Malte Humpert bildirib ki, bu gediş sanksiyaları pozmaq üçün atılıb və Rusiyanın iqtisadiyyatını möhkəmləndirmək üçün nəzərdə tutulub.

Ukraynaya qarşı müharibədən sonra Rusiyanın boru kəməri ilə qaz ixracı ciddi azalsa da, Avropa Birliyinə dəniz yolu ilə LNG ixracı artıb. Hazırda Rusiyanın “kölgə donanması” bu daşımaların əsas vasitələrindən birinə çevrilib.

Qərb ölkələrinin 60 dollarlıq neft qiymət limitini aşmaq üçün də istifadə olunan bu donanma, Kremlə əlavə gəlir gətirməyə davam edir. Bu vəziyyət, enerji bazarında sabitliyi təhdid edən yeni bir risk kimi qiymətləndirilir.

Bəsti Rəfizadə
Sfera.az

4:[["$"

Rusiyanın “kölgə donanması” fəallaşıb - Sanksiyalara qarşı gizli taktika