Qızılın qiyməti yeni rekorda imza atdı

Qızılın qiyməti yeni rekorda imza ataraq bir unsiyası 3 212 dollara satılıb.

Sfera.az xəbər verir ki, Bakı vaxtı ilə saat 02:33-ə olan məlumata görə, qiymətli metalın unsiyası 3209,7 dollar (+2,17%), 02:48-də isə 3212 dollara (+2,24%) ticarət edilib.

Analitiklər hesab edirlər ki, dünyada qızılın qiymətinin bahalaşmasına Amerika Birləşmiş Ştatlarının 185 ölkə ilə ticarət müharibəsi səbəb olur. Burada, həmçinin qiymətli metalın təhlükəsiz aktiv kimi cəlbediciliyi rol oynayır. (Report)