Tramp geri çəkildi - "Mənim etdiyimi başqaları etməzdi"

ABŞ Prezidenti Donald Tramp əlavə gömrük rüsumlarının Çin istisna olmaqla digər ölkələrə qarşı tətbiqini 90 gün müddətinə dayandırıb. Tramp, bu qərarı insanların narahatlığı səbəbilə qəbul etdiyini bildirib.

Sfera.az xəbər verir ki, Ağ Evdə jurnalistlərin suallarını cavablandıran Tramp “Gömrük rüsumlarını dayandırdım, çünki insanlar qorxmağa başlamışdı.

Bir az təşviş vardı. Görməli olduğumuz böyük bir iş var və mənim etdiyimi heç bir başqa prezident etməzdi”, – deyə bildirib.

Xatırladaq ki, Tramp, ölkəsini iqtisadi baxımdan gücləndirmək məqsədilə 185 ölkəyə 10 faizdən 50 faizə qədər gömrük rüsumları tətbiq etmişdi. Çin ilə ticarət münasibətlərində isə daha sərt addımlar ataraq, Çindən gələn mallara tətbiq olunan 84 faizlik gömrük vergisinə cavab olaraq, bu rüsumu 125 faizə qaldırmışdı.

Bəsti Rəfizadə