ABŞ 70-dən çox ölkəyə yeni tarif tətbiq edəcək - Siyahı
ABŞ prezidenti Donald Tramp Ağ Evdə keçirilən toplantıda ölkələr üçün yeni vergi tariflərini açıqlayıb.
Sfera.az "Bloomberg"ə istinadən xəbər verir ki, Tramp ABŞ-yə zərər verən ticarət "divar"larını yıxacaqlarını bildirib.
O yeni tariflərlə ABŞ-nin qızıl dövrünün geri qayıdacağını və tariflərin tətbiq edilməsinə başlanıldığı tarixdən Amerikanın iqtisadi müstəqilliyinin artacağını bəyan edib.
ABŞ prezidentinin imzaladığı sərəncama əsasən, aprelin 5-dən etibarən qarşılıqlı tariflər tətbiq olunub. Əsas tarif dərəcəsi isə 10 faiz olacaq.
Tramp tarif tətbiq edən zaman Çinin, Avropa İttifaqı və bəzi ölkələrin adını xüsusilə çəkib:
"Çin ABŞ-a 67 faiz rüsum tətbiq edir. Biz 34 faiz tarif tətbiq edəcəyik. Avropa Birliyi sərt rəqibdir, bizi soyublar. Biz onlara 20 faizlik tarif tətbiq edirik".
Tramp həmçinin Vyetnama 46 faiz, Yaponiyaya 24 faiz, Böyük Britaniyaya 10 faiz, Cənubi Koreyaya 25 faiz, Taylanda 36 faiz, İsveçrəyə 31 faiz, Tayvana 32 faiz, Hindistana 26 faiz, Malayziyaya isə 24 faiz tarif elan edib.
ABŞ prezidenti Tailand, Hindistan, Vyetnam və digər ölkələri ABŞ məhsullarına qarşı ədalətsiz tarif siyasətləri və vergi rejimlərinə görə tənqid edib.
Tramp deyib ki, qarşılıqlı tariflər ABŞ-da daha güclü rəqabət və istehlakçılar üçün aşağı qiymətlər gətirəcək.
Tramp çıxışında xaricdən gətirilən avtomobillərə 25 faiz gömrük rüsumu tətbiq edəcəklərini də xatırladıb.
Qeyd edək ki, ölkələr üzrə yeni tariflər aşağıdakı şəkildə əksini tapıb. Siyahıda Avropa İttifaqı ilə yanaşı daha 49 ölkənin adı var. Ümumilikdə, 76 ölkədən idxala yeni tariflər tətbiq ediləcək.
Altay
