Trampın yeni tarifi: Bahalaşma ya ucuzlaşma gözlənilir?

Trampın yeni tarifi: Bahalaşma ya ucuzlaşma gözlənilir?

ABŞ ölkəyə idxal olunan müxtəlif mallara qarşı yeni tarif siyasəti həyata keçirəcək. Tramp administrasiyasının aprelin 2-də tətbiq etdiyi yeni tariflərin bütün ölkələrə təsir edəcəyi bildirilib.

 

Bu siyasət qlobal səviyyədə qiymətlərə necə təsir edəcək? Bahalaşma və ya ucuzlaşma olacaq?

 

Bu barədə Sfera.az-a açıqlama verən politoloq Yalçın Hacızadə bildirib ki, Trampın prezident seçki zamanı şüarı “Amerikanı yenidən ən güclü edəcəyi” idi. Buna görə də ABŞ prezidenti iqtisadiyyatla bağlı bir neçə plan həyata keçirəcəyini bildirirdi:

 

“Onlardan əsası qanunsuz miqrantları ölkədən qovacağı və bəzi ölkələrdən Amerikaya daxil olan malların gömrük rüsumlarını artıracağı ilə bağlı idi. Tramp birinci prezidentliyi müddətində də idxal olunan müəyyən mallara əlavə gömrük rüsumları tədbiq etmişdi. Amma bu dəfə daha çox, o cümlədən uzun müddətdir ABŞ ilə strateji müttəfiq olan ölkələr də var. Trampın bu siyasəti dünyada iqtisadi mübarizəni daha da artırır. Çünki beynəlxalq münasibətlər həm də yeni bazarların və ona gedən yolların əldə edilməsi üzərində qurulub. Tramp hakimiyyəti Amerikanın ən böyük ticarət tərəfdaşı olan Meksika, Kanada və Çinə qarşı daha yüksək rüsumlar tətbiq edəcəyini bildirir. O bunu tətbiq etməklə hər ölkəyə qarşı ayrı-ayrı məqsəd güdür”. 

 


Politoloq ABŞ-nin əlavə gömrük rüsumları tətbiqinin daxili bazarda qiymət artımına səbəb olaraq istehsalı azaldacağını vurğulayaraq eyni zamanda digər ölkələrin  yeni bazarlar tapmağa yönələcəyini və qlobal ticarət əlaqələrinin dəyişəcəyini qeyd edib:


Y.Hacızadənin sözlərinə görə, Tramp qanunsuz miqrantların qarşısını almaq səbəbilə Meksikaya təsir etmək üçün əlavə gömrük rüsumları tədbiq edirsə, Kanadanı özünün dediyi kimi 51-ci ştat olaraq gördüyü və Kanadanı buna razı salmaq üçün edir:

 

“Çinin də sürətlə artan iqtisadiyyatı Amerikanı daha çox narahat edir və müxtəlif variantlarla bunun qarşısını almağa çalışır. Bütün bunların fonunda isə Amerikadan kənarda istehsalla məşğul olan ABŞ şirkətlərinin ölkəyə qayıtmasını təmin etmək istəyir. Çünki amerikan mənşəlli bir çox şirkət ucuz işçi kütləsi, ucuz xərclər səbəbi ilə ABŞ-dən kənarda, əsasən də Meksika və Çində istehsal fəaliyyəti ilə məşğul olaraq dünyaya, o cümlədən də Amerikaya mal satırlar. Əlavə gömrük rüsumlarının tətbiq edilməsi ABŞ bazarında həmin malların qiymətini yüksəldəcək. Bu da ABŞ-də satışı zəiflədəcək. Lakin əlavə gömrük rüsumu tədbiq edilən ölkələr daha münasib şərtlərlə yeni bazarlar axtarmağa məcbur qalacaqlarına görə həmin malların dünya bazarında qiymətlərinin aşağı düşmə ehtimalı var”.

 

Fidan Hacızadə 


OXŞAR XƏBƏRLƏR

İstanbulda zəlzələ oldu

Türkiyənin İstanbul şəhərində zəlzələ baş verib.   Sfera.az xəbər verir ki, bu haqda AFAD məlumat yayıb.   Məlumata görə, yerli saatla 23:...

Bütün dünyada manşetlərə çevrildi: Aşpaz öldürdüyü adamı xüsusi texnika ilə bişirdi

Fransada gedən məhkəmədə ortaya çıxan hadisə bütün dünyada trend mövzusuna çevrilib. Fransız aşpaz Philippe Schneider (Filip Şnayder) məhkəmədə etiraf edib ki, ...

Keyt Uinsletin qızı ilk dəfə Kann kinofestivalında göründü - FOTOLAR

Oskar mükafatlı britaniyalı aktrisa Keyt Uinsletin qızı, 24 yaşlı Mia Threapleton anasının yolu ilə gedib və özünü kinoya həsr etmək qərarına gəlib. Qız ilk dəf...

Rusiyada “Harri Potter” qadağan edilir: Niyə Makqonaqalı sevmirlər?

Rusiyada senzuranın yeni dalğası barədə məlumat yayılıb. Belə ki, sentyabrın 1-dən Rusiya Federasiyasında Roskomnadzorun qərarı qüvvəyə minəcək. Qərara əsasən, ...

ChatGPT ilə birgə planlaşdırıb: 16 yaşlı şagird məktəbdə 3 qızı bıçaqlayıb

Finlandiyada bıçaqlı hücumun görüntüləri bütün dünyada manşetlərə çevrilib. 16 yaşlı oğlan şagird sosial şəbəkədə paylaşım edərək məktəbdə 3 qız şagirdə bıçaqla...

Rubio Xəzər interkonnektorundan danışdı

ABŞ Dövlət katibi Marko Rubio Xəzər interkonnektorunu tamamlamağın ABŞ və müttəfiqlərin maraqlarına uyğun olduğunu təsdiqləyib.   Sfera.az xəbər veri...