"Azərbaycanda ən çox "585" əyarlı qızıl alınır" - Assosiasiya sədri
İqtisadiyyat
13:50 / 02.04.2025
5643
"Əvvəllər “750” əyarlı qızıl daha çox alınırdı. Daşlardan isə brillianta üstünlük verilirdi. Getdikcə bu tendensiya dəyişdi".
Sfera.az xəbər verir ki, bunu APA-ya müsahibəsində Azərbaycan Zərgərlər Assosiasiyasının idarə heyətinin sədri Toğrul Abbasquliyev bildirib.
O qeyd edib ki, indi “585” əyarlı qızıl məmulatları daha çox alınır:
"Qiymətli daşlardan brilliantın da bazarı var. Amma qiymətsiz yaxud yarı qiymətli daşlar dəfələrlə brilliantdan ucuz olduğu üçün bazarları daha böyükdür. Gümüş bazarı da çox böyüyüb. Əvvəllər “585” əyarlı qızıl alanlar indi gümüş alır, “750” əyarlı qızıl alanlar “585” əyarlı qızıla, brilliant alanlar yarı qiymətli daşa üz tutur".
