Trampın sərvəti kəskin artdı - Prezident nələrə sahibdir?
ABŞ Prezidenti Donald Tramp sərvətini 2024-cü ildəki 2,3 milyard dollardan 2025-ci ildə 5,1 milyard dollara çatdırıb.
Sfera.az xəbər verir ki, bu barədə Amerikanın “Forbes” jurnalı dünyanın ən varlı adamlarının 39-cu reytinqində məlumat yayıb.
Materialda qeyd olunub ki, Trampın sərvətinin artmasının səbəbi yenidən ABŞ prezidenti olduğu üçün deyil, Ağ Evə qayıtmazdan əvvəl kriptovalyutaya çox sərfəli investisiya etməsidir.
O da bildirilib ki, Donald Trampın sərvətinin əsas hissəsi daşınmaz əmlaka aiddir. Prezident, həmçinin qolf klublarına, dəbdəbəli malikanələrə, şərab zavoduna və “Trump Force One” kimi tanınan 1991-ci il Boeing 757-200 təyyarəsinə sahibdir.
Qeyd edək ki, ümumi sərvəti 16,1 trilyon dollar olan 3000-dən çox insan jurnalın siyahısına düşüb. “Forbes”in qeyd etdiyi kimi, ilk dəfə üç nəfərin sərvəti 200 milyard dollardan çoxdur.
Firuzə Əliyeva
