Avro bahalaşır - Son dörd ayın rekordu yenilənib
ABŞ-nin başlatdığı ticarət müharibələri fonunda avronun bahalaşması müşahidə edilir.
İyirmi ölkənin istifadə etdiyi valyutanın ABŞ dollarına qarşı məzənnəsi bu gün 1,082 həddinə çatıb. Son ayyarımda avronun dollara qarşı 4 faizdən çox bahalaşması qeydə alınıb. 2025-ci ilin yanvarın 13-də bir avro 1,04 dollar idi.
Sfera.az bildirir ki, avronun bahalaşmasını birja analitikləri ticarət müharibələrinin başlaması, Avropa Mərkəzi Bankının faiz dərəcələrini endirməsi və ABŞ iqtisadiyyatı ilə bağlı bədbinliyin artması ilə izah edirlər. Proqnozlara əsasən, Donald Trampın yeni gömrük rüsumu siyasəti ABŞ-nin xarici ticarət vəziyyətinə mənfi təsir göstərəcək və bu, ümumən real sektora və maliyyə bazarlarına mənfi təsir göstərəcək.
ABŞ iqtisadiyyatı haqqında bədbin proqnozlar dolayısı ilə avronun məzənnə dəyərinin yüksəlməsinə səbəb olur. Hazırda avro dollar qarşısında son 4 ayın ən yüksək məzənnə dəyərinə sahibdir. Analitiklər mövcuz vəziyyətdə avtonun daha da bahalaşma imkanlarının qaldığını düşünürlər.
Son günlərdə avronun bahalaşması Azərbaycanda da hiss olunur. Mərkəzi Bankın rəsmi məzənnələrlə bağlı açıqladığı məlumatlardan görünür ki, son ayyarımda bir avro 1,736 manatdan 1,838 manata qədər yüksəlib.
Kommersiya banklarında isə avronun satış qiyməti daha yüksəkdir. İri banklarda bir avronu 1,86-1,87 manata almaq olur.
Vasif
