Neft yenidən ucuzlaşır - Tariflərin artırılması bazarlarda qorxu yaradıb
Neft qiymətlərində yenidən enmə müşahidə edilir.
Sfera.az xəbər verir ki, fevralın 20-də 77 dollar olan “Brent” neftinin qiyməti bu gün 72,7 dollara geriləyib.
Qısa müddətdə “Brent” neftinin qiyməti 4,3 dollar, yəni 5,6 faiz enib. 2025-ci ilin yanvarın 15 ilə müqayisədə isə neftin qiyməti 10 dollar azalıb.
Neftin yeniən ucuzlaşması ABŞ və Almaniyadan gələn mənfi xəbərlər, həmçinin Donald Trampın tariflərlə bağlı siyasətini davam etdirəcəyinə dair mesajlarıdır. Beynəlxalq birjalarda Trampın tarif siyasətini davam etdirməsinin ticarət müharibəsinə gətirib çıxaracağı ilə bağlı narahatlıqlar yaradır.
Neftin ucuzlaşmasına Nigeriyanın neft hasilatını artırması və İraqın Kərkük neft yataqlarının bərpası üçün BP şirkəti ilə yekun saziş imzalaması xəbərləri də kömək edib.
Vasif
