Kriptovalyuta bazarına böyük itki: Trampın YENİ SİYASƏTİ
Kriptovalyuta bazarı son 24 saat ərzində böyük dəyər itkisi ilə üzləşib. Ümumi bazar dəyəri 8% azalaraq 3,1 trilyon dollardan aşağı düşüb.
Sfera.az xəbər verir ki, bazar bu azalma ilə Donald Trampın qələbəsindən sonra əldə edilən qazancların çoxunu itirmiş oldu. “Bitcoin” qısa müddət ərzində 5%-dən çox dəyər itirərək 96 000 dollardan 91 000 dollara düşüb. Bahalı kriptovalyutalardan olan “Ethereum”un qiyməti 10% geriləmə ilə 2500 dollar səviyyəsindən aşağı enib. Digər bahalı kriptovalyutaların da qiymətində nəzərəçarpacaq enmə müşahidə olunub.
Analitiklər qeyd edirlər ki, bu cür geriləmələr əvvəllər də müşahidə olunub və normal prosesdir. Onların fikrincə, Trampın yeni tarif siyasəti kriptovalyuta bazarlarına mənfi təsir edir. Yeni tariflər ticarət həcmlərini azaltdığından kriptovalyutalara tələb zəifləyir.
Donald Trampın ikinci prezidentlik müddətinin başladığı 20 yanvardan bu yana kriptovalyuta bazarı ümumilikdə 734 milyard dollar itirib.
Vasif
