Manatın məzənnəsi bu sektorda maksimuma çatdı
2025-ci ilin yanvarında Azərbaycan manatının nominal məzənnəsi qeyri neft-qaz sektoru üzrə bir qədər də bahalaşaraq 2000-ci ildən bəri ən ən yüksək səviyyəyə çatıb.
Sfera.az Mərkəzi Banka istinadən xəbər verir ki, manatın nominal dəyəri bir ayda 0,5 faiz, son bir ildə 9,23 faiz artıb. 2000-ci illə müqayisədə isə manatda bahalaşma 84,6 faizə çatıb. Son bir ildə nominal məzənnə ilə yanaşı real effektiv məzənnə də yüksəlib.
Bu ilin yanvarında qeyri neft-qaz çəkili real məzənnə bir il əvvəlki tarixlə müqayisədə 3,14 faiz artıb. 2000-ci ilə nisbətən manatın real dəyəri isə 21,5 faiz yüksəlib.
Qeyd edək ki, manatın real məzənnəsinin artması Azərbaycanda inflyasiya səviyyəsinin ticarət tərəfdaşı olan ölkələrdəki inflyasiyadan yüksək olması ilə bağlıdır. Yüksək inflyasiya ilə əlaqədar Azərbaycanda məhsullar daha baha olur ki, bu da yaxşı hal deyil. Belə vəziyyətdə Azərbaycandan ixrac çətinləşir, idxal isə asanlaşır.
Vasif
