Kriptovalyuta bazarı hərəkətlənir: Həftənin ən çox qazandıran TOKENLƏRİ

Son günlər kriptovalyuta bazarında ciddi qiymət dəyişiklikləri baş verib. Bəzi altkoinlər rekord həftəlik artımlarla investorların diqqətini çəkib.
 

Sfera.az xəbər verir ki, bu həftənin ulduzu Story (IP) tokeni olub. Tokenin qiyməti 1,50 dollardan 5,80 dollara qədər yüksələrək 205%-lik artım göstərib. Daha sonra müəyyən eniş yaşansa da, hazırda 4,40 dollar səviyyəsində sabitləşib.

 

DeFi sektorunun tanınmış layihələrindən Maker (MKR) də güclü performans nümayiş etdirib. Token həftə ərzində 58% bahalaşaraq 1.000 dollardan 1.585 dollara qədər yüksəlib.

 

Digər diqqətçəkən aktivlərdən biri isə Sonic (S) tokeni olub. Keçmiş FTM tokeni olan Sonic, həftə ərzində 60% dəyər qazanaraq 0,52 dollardan 0,81 dollara yüksəlib və hazırda 0,80 dollar üzərində ticarət olunur.
 

Analitiklər hesab edirlər ki, bazardakı bu hərəkətlilik növbəti yüksəliş dalğasının başlanğıcı ola bilər. Xüsusilə Story və Maker tokenləri texniki göstəricilərinə görə gələcəkdə də yüksəliş trendini qoruyub saxlaya bilər.
 

Bununla yanaşı, kriptovalyuta bazarının yüksək volatilliyə malik olduğunu nəzərə alaraq investorların ehtiyatlı davranması tövsiyə olunur.

Altay
Sfera.az