Türkiyə əhalisinin qənaət metodu: Daş-qaş, yatırım...
Türkiyədə aparılan bir araşdırmaya görə, ölkədə hər iki adamdan biri qənaətcildir, sərbəst vəsait yığır. Yığım edən şəxslərin ən çox istifadə etdikləri vəsait isə qızıldır.
Sfera.az xəbər verir ki, sərbəst vəsaiti olan şəxslərin çoxu pulunu qızıla çevirib saxlayır. Qızılla bərabər qiymətli daşlar və digər dəyərli metallar saxlayanlar da az deyil.
Araşdırma üzə çıxarıb ki, yığım edənlər vəsaitlərinin 52 faizini qızıl, qiymətli daşlar və qiymətli metallarda saxlayıblar. Yığım edənlərin 24 faizi nağd pul şəklində əmanət saxlanılmasına, daha 20 faizi isə evdə xarici valyuta və ya lirə şəklində pulun saxlanılmasına üstünlük verir.
Maraqlı fakt odur ki, evdə pul saxlamağın tərəfdarı olanlar əsasən qadınlardır. Kişilər daha uzunmüddətli maliyyə alətlərinə investisiyaya maraq göstərirlər. Türkiyədə əhalinin borc yükü də çoxdur. Araşdırmaya görə, təxminən hər iki adamdan biri borcludur. Borclu olmaq yığım etmək imkanlarını da məhdudlaşdırır. Araşdırma göstərir ki, yığım edə bilməyənlərin 62 faizi borclanıb. Yığım edənlərin isə 52 faizinin borcu var.
Vasif
