Hansı rayonlarda taxıl çox istehsal olunur? - SİYAHI

2024-cü ilin nəticələrinə əsasən, Azərbaycanın ən böyük taxılçılıq rayonu Cəlilabad olub. 

Sfera.az statistik məlumatlara istinadən xəbər verir ki, ötən il ölkəmizdə 3,276 milyon ton taxıl istehsal edilib. Bu qədər taxılın 226,7 min tonu, yəni 6,92 faizi Cəlilabadda istehsal olunub. 

Taxıl istehsalının miqdarına görə ikinci sırada Ağcabədi (161,3 min ton), üçüncü sırada Şəki (155 min ton) rayonları gəlir.Azərbaycanda daha bir neçə rayon var ki, burada il ərzində 100 min tondan artıq taxıl istehsal edilib. Bunlar Füzuli (133,7 min ton), Hacıqabul (129,3 min ton), Kürdəmir (126,85 min ton), Ağsu (112,7 min ton), Sabirabad (111,75 min ton) və Biləsuvar (108,7 min ton) rayonlarıdır. 

Iqtisadi regionlar üzrə götürdükdə isə ən böyük taxılçılıq regionu Qarabağ iqtisadi regionudur. Bu regionda bir ildə 476,4 min ton taxıl istehsal edilib. Şəki-Zaqatala (442 min ton), Şirvan-Salyan (382 min ton), Mərkəzi Aran (360 min ton) iqtisadi rayonlarında da istehsal miqdarı yüksəkdir. 

Vasif