Qızıl qiymətində rekord - 3 min dollara yaxınlaşdı
Qızılın qiymətində son günlərdə müşahidə edilən yüksəliş davam edir. Bu yüksəliş sayəsində hər gün qızılın dəyərində yeni bir rekord qeydə alınır.
Sfera.az xəbər verir ki, qızılın dəyəri ilk dəfə olaraq 3 min dollar həddinə yaxınlaşıb. Bu gün beynəlxalq birjalarda bir troya unisya qızılın qiyməti 14 dollar artaraq 2963 dollara çatıb. İndi xalis qızılın (999,99 əyar) bir qramının qiyməti 95,3 dollar və ya 162 manatdır.
Məşhur ABŞ bankı “Goldman Sachs”in açıqladığı yeni proqnoza əsasən, 2025-ci ilin sonuna kimi qızılın qiyməti artacaq. Bank proqnozlaşdırır ki, xalis qızılın dəyəri 3100 dollara yüksələcək. “Goldman Sachs” hesab edir ki, qızılın bahalaşmasına səbəb mərkəzi bankların qızıl alışını artırmasıdır.
Xatırladaq ki, Azərbaycanın Dövlət Neft Fondu da qızıl alışını davam etdirir. Hazırda fondun 150 tondan çox qızılı var.
Vasif
