Neftin qiyməti aşağı düşür? - Trampın müraciətləri cavabsız qalacaq

ABŞ Prezidenti Donald Trampın neft qiymətlərinin aşağı salınması çağırışlarına baxmayaraq OPEC+ hasilatı artırmaq fikrindən uzaqdır. 

Sfera.az “Bloomberg”ə istinadən xəbər verir ki, OPEC+ aprel ayından başlayaraq bir sıra aylıq tədarük artımlarını təxirə salmağı düşünür. Adının açıqlanmasını istəməyən nümayəndələrdən biri deyib ki, qlobal neft bazarlarında şərtlər hasilatı canlandırmaq üçün hələ də çox kövrəkdir. Başqa bir nümayəndə hələ heç bir qərarın verilmədiyini və qrupun necə davam edəcəyi ilə bağlı fikir ayrılığının olduğunu söyləyib. Qərar yaxın həftələrdə bəlli ola bilər. 

Qeyd edək ki, OPEC+ ölkələri gündəlik hasilatı 120 000 barel artırmağı nəzərdə tuturdu. Amma apreldən artımlar dayandırılacaq. Ekspertlər bunun səbəbini neft qiymətlərinin enməsi ilə əlaqələndirir. OPEC+ ölkələrinin 2022-ci ildə əldə etdikləri razılaşmaya əsasən hər 3 aydan bir hasilat artırılmaqla 2026-cı ilin sonuna qədər ümumilikdə 2,2 milyon barrel artıma nail olacaqlar. 

Tramp OPEC-ə müraciət edərək qiymətlərin enməsi üçün hasilatı daha çox artırmağa çağırmışdı. Amma OPEC+ ölkələrinin qərarı göstərir ki, onlar neftin qiymətinin enməsində maraqlı deyillər. 

Vasif