Şokoladın qiyməti yenidən artacaq

Dünyada şokaladın qiyməti yenidən arta bilər. 

Sfera.az xəbər verir ki, 2024-cü ildə Qərbi Afrikada həftələrlə davam edən həddindən artıq istilər qlobal şokolad istehsalının əsasını təşkil edən kakao yığımına mənfi təsir edib. 

“Climate Central” müstəqil araşdırma qrupunun hesabatına görə, xüsusilə Fil Dişi Sahili, Qana, Kamerun və Nigeriyada güclü istilər müşahidə edilib. Hesabatda Fil Dişi Sahili və Qananın kakao istehsalında öndə getdiyi qeyd olunub:

“Kakao istehsalı üçün ideal temperatur səviyyəsi 32 dərəcədir. Son on ildə bu səviyyədən yuxarı olan isti günlərin sayının üç həftə artdığı müəyyən edilib. 2023-cü ildə qlobal orta temperatur rekord səviyyəyə çatdıqda, tədqiq edilən bölgələrin üçdə ikisində ən azı 42 gün ərzində 32 dərəcədən yuxarı temperatur müşahidə edildi. Qərbi Afrikadakı kakao fermerləri iqlim dəyişikliyinin yaratdığı hava şəraitinə qarşı həssasdırlar”.

Qeyd edək ki, hazırda kakaonun bir tonunun qiyməti 10 658 dollardır. 2025-ci ilin fevralın 7-i ilə müqayisədə kakaonun dəyəri 800 dollara yaxın artıb. Bir il əvvəl isə kakao 5300 dollara satılırdı. 

Vasif