Rusiya investisiyaları artdı - Rekord YÜKSƏLİŞ
Fevralın 12-də ABŞ və Rusiya prezidentləri arasında telefon danışığının baş tutmasından sonra bu gün Rusiya iqtisadiyyatına sərmayə qoyuluşunda nəzərəçarpacaq artım qeydə alınıb.
Sfera.az Rusiya mediasına istinadən xəbər verir ki, bu gün səhər Moskva birjasında ticarət zamanı MOEX indeksi 2024-cü ilin may ayından sonrakı ən yüksək həddə çatıb. Bir gündə MOEX indeksi 2,8% yüksəlib.
MOEX indeksində olan dəyişikliyə görə Rusiya bazarının kapitallaşması 0,5 trilyon rubl (5,4 milyard dollar) artaraq 7,05 trilyon rubla (76 milyard dollar) çatıb.
Kapitallaşmanın artması hesabına rubl bahalaşıb. Bu gün dolların rubla qarşı məzənnəsi 93 olub. “Sberbank”, “Qazprom”, LUKOIL, “T-Technologies”, “Rosneft” kimi böyük şirkətlərin səhmlərinin dəyəri də artaraq ötən ilin may-iyul aylarından sonrakı ən yüksək həddə çatıb.
Bu dəyişiklik onu göstərir ki, əgər Rusiya-Ukrayna müharibəsi ilə bağlı sülh əldə edilərsə, həm Rusiya, həm də Ukrayna iqtisadiyyatında canlanma baş verəcək.
Vasif
