Çin dünyanın ən böyük avtomobil istehsalçısını quracaq
Çin avtomobil istehsalçısı "Dongfeng" restrukturizasiya planlarını açıqlayıb.
Sfera.az bildirir ki, bu barədə "interfax.ru" məlumat yayıb.
Məlumatda qeyd olunub ki, “restrukturizasiya avtomobil istehsalçısının nəzarət səhmdarının dəyişməsinə gətirib çıxara bilər, lakin faktiki sahibinin dəyişməsinə səbəb olmayacaq”.
Digər avtomobil istehsalçısı "Changan" isə fevralın 9-da bildirib ki, onun payına sahib olan "China South Industries Group Co." başqa dövlət şirkəti ilə yenidən strukturlaşmanı planlaşdırır. İki şirkətin elanları Çinin dövlət nəzarətində olan “Böyük Dördlük” adlandırılan avtomobil istehsalçılarının bir hissəsi olan iki şirkət arasında birləşmə ilə bağlı fərziyyələri artırıb.
Bundan əvvəl məlum olmuşdu ki, "Audi Q8" e-tron krossoverinin Brüsseldəki zavodda istehsalı fevralın 28-də başa çatacaq. Bundan sonra müəssisə bağlanacaq və üç min işçi ixtisar olunacaq. Zavod 1949-cu ildən fəaliyyət göstərir. Onun bağlanması "Volkswagen"in Almaniyada 35 000-dən çox iş yerinin ixtisar edilməsini, bəzi montaj sexlərinin köçürülməsini və avtomobil istehsalının təxminən 734 000 ədəd azaldılmasını nəzərdə tutan istehsalın optimallaşdırılması proqramının bir hissəsi idi.
Qeyd olunur ki, "Volkswagen"in Almaniya zavodları Avropada iştirakını genişləndirmək istəyən Çin avtomobil istehsalçıları sayəsində oxşar aqibətdən qaça bilər.
"Mercedes-Benz" də EQS modelini dayandıracaq .
Hazırkı EQS 2025-ci ildə yeniləməyə məruz qalacaq və sürətli doldurma üçün 800 voltluq sistem alacaq. Modelin varisi yeni nəsil S-Class olacaq. Maşınlar həm elektrik mühərrikləri ilə, həm də ənənəvi daxiliyanma mühərrikli versiyalarda istehsal olunacaq.
İnci
