Azərbaycan əmək bazarının yeni dönəmi: Dövlət sektoru geridə qalır...
2024-cü ildə Azərbaycanın əmək bazarında baş verən dəyişikliklərdən biri də qeyri-dövlət sektorda çalışanların sayının dövlət sektorunda çalışanların sayını keçməsidir.
Sfera.az xatırladır ki, Azərbaycan bazar iqtisadiyyatı sisteminə keçdiyi son 34 ildə muzdla çalışan işçilərin çox hissəsi dövlət sektorunda fəaliyyət göstərib. Amma 2024-cü ilin oktyabrından qeyri-dövlət sektorda çalışanların sayı dövlət sektorunda çalışanların sayını ötüb. Həmin ayda ölkəmizdə 1,768 milyon muzdlu işçinin 888 min qeyri-dövlət sektorunda, 880,3 min nəfəri isə dövlət sektorunda çalışıb.
2024-cü ilin sonunda qeyri-dövlət sektorunda çalışan sayı bir qədər də artdığından fərq daha da böyüyüb. Dekabrın sonuna olan məlumata əsasən, qeyri-dövlət sektorunda çalışan sayı 895,7 min nəfər, dövlət sektrounda çalışan sayı isə 883 min nəfərə yüksəlib.
Qeyri-dövlət sektorunda çalışan sayı dövlət sektorunda çalışan sayından daha çox artdığından fərq bir qədər də böyüyüb.
Vasif
