2030-cu ilə qədər dünyanın əmək bazarında əhəmiyyətli dəyişikliklər gözlənilir.

Sfera.az Dünya İqtisadi Forumunun (WEF) son qlobal hesabatına istinadən xəbər verir ki, bəzi sahələrdə iş yerlərinin sayı artacaq, bəzilərində isə azalmalar baş verəcək. Hətta avtomatlaşdırma və süni intellektin tətbiqi səbəbindən bir sıra peşələr tam məhv olmaq təhlükəsi ilə üzləşəcək.

2030-cu ilə qədər ümumilikdə 92 milyon iş yerinin ixtisar ediləcəyi təxmin olunur. Lakin bunun əvəzində 170 milyon yeni iş yeri açılacaq.

Növbəti beş il ərzində iş yerlərinin sayında ən yüksək tələb proqram təminatı və proqram tərtibatçıları (57%), təhlükəsizlik sahəsində idarəetməni təmin edən mütəxəssislər (53%), məlumatların saxlanması üzrə mütəxəssislər (49%), elektrik nəqliyyatı üzrə mütəxəssislər (48%), yüngül ticarət avtomobillərinin sürücüləri və kuryerlər (46%), internet mütəxəssisləri (42%), analitiklər və alimlər (41%) ilə bağlı yaranacaq.

Süni intellektin tətbiqi ilə əlaqədar dünyanın ən böyük banklarının yaxın 5 il ərzində 200 minə qədər iş yerini ixtisar edəcəyi gözlənilir. Süni intelekt orta səviyyəli proqramçıların da işinə mənfi təsir edəcək. “Meta” (“Facebook”) şirkəti məhz süni intelektin tətbiqi səbəbindən işçilərinin 5%-ni ixtisar etməyi planlaşdırır.

Süni intellektə görə sürətlə yoxa çıxan peşələr də olacaq. Daha çox ixtisara düşəcək kadrlar poçt işçiləri (34%), kassirlər və bank işçiləri (31%), məlumat daxiletmə operatorları (26%), inzibati və yardımçı işlərdə çalışanlar (20%), poliqrafiya və poliqrafiya sənayesi işçiləri (20%), mühasiblər və əmək haqqı üzrə mütəxəssislər (18%), anbardarlar və inventor xadimləri (16%), küçə satıcıları (14%) olacaq.

Vasif

5 il ərzində ən çox tələbat bu işlərə olacaq - İnternet mütəxəssisləri, kuryerlər...