Çindən iddialı layihə: Pentaqondan 10 dəfə böyükhərbi komandanlıq mərkəzi tikəcək
Çinin paytaxtı Pekində böyük hərbi komandanlıq mərkəzi tikiləcək.
Sfera.az xəbər verir ki, bununla bağlı məlumatı “Financial Times” ABŞ rəsmilərinə istinadən yayıb.
Məlumata görə, Çinin hərbi komandanlıq mərkəzi Pentaqondan ən azı 10 dəfə böyük olacaq.
Nəşr qeyd edir ki, peyk görüntüləri təxminən 1500 akr ərazini əhatə edən tikinti sahəsini göstərir. Bir akrın 0,405 hektara yaxın olduğunu nəzərə alsaq, komandaqlıq sahəsinin 608 hektar olduğu anlaşılır.
Yeni bina istənilən münaqişə zamanı, o cümlədən nüvə müharibəsi zamanı Çin hərbi liderlərini qorumaq üçün imkanlara sahib olacaq. Binanın altında dərin bunkerlər inşa ediləcək. Nəşr peyk görüntülərinə əsaslanaraq belə qənaətə gəlib ki, tikinti 2024-cü ilin ortalarında başlayıb. Analitiklər layihəni “Pekin hərbi şəhəri” adlandırıblar.
Qeyd edək ki, Çin hazırda ABŞ-dən sonra ən böyük hərbi büdcəyə sahib olan ölkədir. Çinin hərbi büdcəsinin 300-400 milyard dollar həcmində olduğu bildirilir.
Vasif
