ABŞ-nin deportasiya siyahısında 709 azərbaycanlı: Pul köçürmələrinə təsir edəcək
ABŞ-nin immiqrasiya təşkilatı deportasiya ediləcək əcnəbilərin siyahısını dərc edib. Həmin siyahıya görə, bir milyona yaxın miqrant ölkədən çıxarılacaq.
Sfera.az xəbər verir ki, ölkədən çıxarılacaq əcnəbilər arasında Azərbaycan vətəndaşları da var. Siyahıda 709 azərbaycanlının olduğu bildirilir.
Qeyd edək ki, ABŞ-nin miqrantlara qarşı həyata keçirdiyi bu cür tədbirlər Azərbaycana pul köçürmələrinə mənfi təsir göstərəcək.
Mərkəzi Bankın məlumatlarına əsasən, son illərdə ABŞ-dən Azərbaycana fiziki şəxslər tərəfindən göndərilən pulların məbləği artırdı. ABŞ-dən Azərbaycana köçürülən pulun məbləği 2019-cu ildə 40 milyon dollar olduğu halda, 2021-ci ildə 72,5 milyon dollar, 2023-cü ildə 74 milyon dollar olub. 2024-cü ilin yanvar-sentyabr ayları ərzində isə 48 milyon dollar köçürülüb. Köçürmələrin həcmi 2024-cü ildə bir qədər də azalıb.
Əgər deport tədbirləri gücləndirilərsə, ABŞ-dən köçürmələr daha da azalacaq və on il əvvəl olduğu kimi cəmi bir neçə milyon dollara düşəcək.
Vasif
