Xarici turlar ucuzlaşıb - RƏQƏMLƏR

Azərbaycandan xaricə istirahət məqsədilə təklif edilən turların qiymətində ciddi azalma qeydə alınıb. 

Sfera.az Dövlət Statistika Komitəsinə istinadən xəbər verir ki, 2024-cü ilin əvvəlində bir istirahət turunun dəyəri orta hesabla 700 manat olduğu halda ilin sonunda 570 manata enib. 

İl ərzində xarici turların dəyəri 130 manat, yəni 18 faizdən çox ucuzlaşıb.  

Əvəzində daxili istirahət turlarında bahalaşma qeydə alınıb. Ötən ilin əvvəlində daxili istirahət turlarında bir xidmətin dəyəri 310 manat olduğu halda ilin sonunda 325 manata yüksəlib. 

Qeyd edək ki, 2021-2023-cü illərdə xarici turlarda qiymət artımı müşahidə edilirdi. Maraqlıdır ki, 2024-cü ildə qiymətlərdəki dəyişiklik əks istiqamətdə olub. 

Vasif