Ən çox maaş alan dövlət başçıları ONLARDIR - RƏQƏMLƏR

Dövlət və hökumət başçıları arasında ən yüksək əməkhaqqını Sinqapurun baş naziri alır - onun illik maaşı 1,6 milyon dollardır. 

Sfera.az xəbər verir ki, dövlət və hökumət başçıları arasında ən yüksək əməkhaqqını inkişaf etmiş, iqtisadi vəziyyəti yaxşı olan ölkələrə rəhbərlik edən şəxslər alır. Bunu 2024-cü ilə aid olan məlumatlar da təsdiqləyir. 

Ötən il ən yüksək birillik orta əməkhaqqıya sahib digər rəhbər şəxs Honq-Konqun idarəedicisisidir.  Belə ki, Çinin xüsusi inzibati bölgəsi olan Honq-Konqu idarə edən şəxsə bir ildə 568 min dollar əməkhaqqı verilir. 

Əməkhaqqının yüksəkliyinə görə növbəti yerləri İsveçrə prezidenti (531 min dollar), Kanadanın baş naziri (406 min dollar), ABŞ prezidenti (400 min dollar), Avstraliya baş naziri (365 min dollar), Avstriya baş naziri (337 min dollar), Yeni Zelandiyanın baş naziri (325 min dollar), Almaniya kansleri (270 min dollar) və Yaponiyanın baş naziri (260 min dollar) tutur.

Qeyd edək ki, adıçəkilən ölkələrin hamısında ÜDM-nin adambaşına düşən illik məbləği 40 min dollardan yüksəkdir. 

Vasif