Bu yataqdan 650 milyon ton neft ÇIXARILDI - Hasilat daha da artacaq

Azərbaycan “Azəri-Çıraq-Günəşli” və “Şahdəniz” yataqları istismara veriləndən 1 yanvar 2025-ci il tarixinədək 650,2 milyon ton neft (kondensatla birlikdə), 466,5 milyard kubmetr qaz hasil edib.

Sfera.az Energetika Nazirliyinə istinadən xəbər verir ki, çıxarılan neftin 601,5 milyon tonu, qazın isə 229,7 milyard kubmetri “Azəri-Çıraq-Günəşli”dən hasil olunub.

“Şahdəniz”dən isə 48,7 milyon tona yaxın kondensat, 236,8 milyard kubmetr qaz çıxarılıb. Bu yataqlardan çıxarılan neftin 648,3 milyon tonu, qazın 169,5 milyard kubmetri ixraca gedib.

Əlavə edək ki, “Azəri-Çıraq-Günəşli” yatağı işlənməyə başlayanda, yəni 1994-cü ildə burada 511 milyon ton neftin olduğu proqnozlaşdırılırdı. Amma indiyə qədər artıq 601,5 milyon ton neft hasil edilib. Bu yataqlar üzrə hasilatın hələ 2050-ci ilə qədər davam edəcəyini nəzərə alsaq, hasilatın hələ daha çox artacağını proqnozlaşdırmaq mümkündür.

Vasif

Sfera.az