Azərbaycanın neft hasilatı azalıb - RƏSMİ
Azərbaycan hazırda 3 yataqdan neft çıxarır.
Sfera.az Energetika Nazirliyinə istinadən xəbər verir ki, 2024-cü ildə 29,1 milyon ton neft (kondensatla birlikdə) hasil edilib. Hasilatın 16,8 milyon tonu “Azəri-Çıraq-Günəşli”nin, 4,2 milyon tonu (kondensat) “Şahdəniz”in, 0,6 milyon tonu (kondensat) “Abşeron” yatağının payına düşüb.
SOCAR üzrə neft (kondensatla birlikdə) hasilatı 7,5 milyon ton təşkil edib.
Xatırladaq ki, Azərbaycan 2023-cü ildə 30,15 milyon ton neft hasil etmişdi. Ötən illə müqayisədə neft hasilatı 1,05 milyon ton (3,5 faiz) azalıb. 2024-cü ildə 24,4 milyon ton neft (kondensat ilə birlikdə) ixraca nəql olunub. Bunun 21 milyon tonu konsorsiumların, 2,8 milyon tonu SOCAR-ın, 0,6 milyon tonu isə “Abşeron” yatağının payına düşüb.
Neftin emalı ötən il ərzində 5,8 milyon ton təşkil edib.
Vasif
Sfera.az
