Çin avtomobil ixracını kəskin artırdı - MÜQAYİSƏ
Dünyanın ən böyük avtomobil istehsalçısı olan Çin 2024-cü ildə avtomobil ixracında da kəskin artıma nail olub.
Sfera.az xəbər verir ki, Çinin avtomobil ixracı bir ildə 22,8% artaraq 6,41 milyon ədəd olub. Çin 2023-cü ildə 5,219 milyon ədəd avtomobil ixrac etmişdi. Ötən il ərzində Çinin avtomobil ixracı 1,19 milyon ədəd artıb.
Çin avtomobil satışlarını artırmaqla yanaşı, satışdan əldə etdiyi gəliri də xeyli artırıb. 2023-cü ildə satışdan 101,6 milyard dollar gəlir əldə edən Çin, 2024-cü ildə gəliri 15,75 milyard dollar artıraraq 117,35 milyard dollara çatdırıb.
Qeyd edək ki, Çinin avtomobil ixracını artıra bilməsinin əsas səbəbi qiymətlərin əlverişli olması, eləcə də avtomobillərin dizaynının, təchizatının yüksək səviyyədə olması ilə bağlıdır. Çində istehsal edilən avtomobillərin qiymətinin aşağı olması dövlətin ayırdığı subsidiyalarla bağlıdır.
Buna görə də Çinlə rəqabətdə uduzan Avropa İttifaqının və ABŞ avtomobil istehsalçılarının marağını qorumaq üçün Çin avtomobillərinin idxalına rüsumları artırıblar.
Vasif
Sfera.az
