Rusiya bu ölkəyə qaz nəqlini DAVAM ETDİRƏCƏK: “Putinlə danışdım, söz verdi ki...”

Rusiya qazının Ukrayna vasitəsilə Avropaya nəqlinin dayanmasından sonra Slovakiyanın qaz təchizatında problemlər yaranıb. Slovakiya hazırda bu problemi həll etmək üçün Rusiya ilə danışıqları davam etdirir.

Sfera.az “Reuters”ə istinadən xəbər verir ki, danışıqların nəticəsi ilə bağlı parlamentdə məlumat verən Slovakiyanın Baş naziri Robert Fiko Rusiyadan qaz alacaqlarını deyib.

Onun bildirdiyinə görə, Rusiya prezidenti Vladimir Putin Slovakiyaya müqaviləli qaz tədarükü üçün alternativ yollar tapacağına söz verib. Fiko parlamentin komitə iclasında deyib:

“Mən Putinlə “Qazpromla” aramızda olan müqavilə haqqında danışdım, bu müqavilədə deyilir ki, onlar bizə qazı hansısa yolla çatdırmalıdırlar. Biz Türkiyə üzərindən keçən marşrut istifadə edə bilərik. Putin “Türk axını” boru kəmərinin və Rusiya qazını Türkiyə üzərindən Avropaya daşıyan birləşdirici marşrutun gücünun məhdud olduğunu desə də, Rusiyanın üzərinə götürdüyü öhdəlikləri yerinə yetirəcəyinə zəmanət verib”.

Qeyd edək ki, Ukraynadan keçən kəmər vasitəsilə ildə 13,5 milyard kubmetr qaz nəql olunurdu. Bunun 3 milyard kubmetrini Slovakiya alırdı.

Vasif

Sfera.az