Avro dollar qarşısında niyə zəifləyir?
Avro ABŞ dolları qarşısında son 2 ilin ən aşağı səviyyəsinə düşüb.
Sfera.az xəbər verir ki, avro ABŞ dollarına nisbətdə 0,9% azalaraq 1,02-nin ortalarına çatıb.
Bu, 21 noyabr 2022-ci ildən bəri ən aşağı səviyyədir .
Belə ki, Avrozonanın iqtisadi görünüşü, siyasi qeyri-sabitlik və Avropa Mərkəzi Bankı (ECB) ilə Federal Ehtiyat Sistemi (Fed) arasında pul siyasəti uyğunsuzluğu ilə bağlı narahatlıqlar səbəbilə yeni ilin əvvəlində ortaq valyuta öz həmkarı qarşısında zəifləyib.
Donald Trampın prezident seçkilərində qələbəsi ilə güclənən ABŞ dollarının möhkəmlənməsi noyabr ayından etibarən avronun zəifliyini daha da artırıb.
Analitiklər avro-dollar cütlüyünün 2025-ci ildə paritetə çatacağını gözləyirlər ki, bu da sonuncu dəfə 2022-ci ildə Rusiyanın Ukraynada genişmiqyaslı hərbi əməliyyata başladığı zaman müşahidə olunub.
Firuzə Əliyeva
