Bakıda maaşların azalması davam edir - SON DƏYİŞİKLİK

Bakı şəhərində muzdla işləyənlərin ortaaylıq əməkhaqqı 2024-cü ilin yanvar-oktyabr aylarında 1251,6 manat olub.

Sfera.az xəbər verir ki, 2023-cü ilin müvafiq dövrünə nisbətən orta əməkhaqqında 7,1 faiz artım qeydə alınıb. Artıq bir neçə aydır ki, paytaxtda orta maaş səviyyəsi aşağı düşür.

Bu ilin yanvar-iyun ayları ərzində orta maaş 1267 manat olduğu halda, avqustda 1259 manata, sentyabrın sonunda 1253 manata, oktyabrda isə 1251,6 manata düşüb. Orta əməkhaqqının azalması maaşlardakı artım sürətini də zəiflədir.

Orta əməkhaqqında artım sürəti bir neçə ay öncəyə qədər əvvəlki illə müqayisədə 8,5 faiz artıq olsa da, son məlumata görə, artım sürəti 7 faizə düşüb.

Vasif

Sfera.az