ABB-nin komandası dövlət qurumları və şirkətlər arasında birinci oldu
Azərbaycan Dövlət İdarələri və İctimai Xidmət İşçiləri Həmkarlar İttifaqı Respublika Komitəsinin təşkilatçılığı ilə 31 Dekabr Dünya Azərbaycanlılarının Həmrəyliyi Gününə həsr olunmuş “Nə? Harada? Nə zaman?” intellektual yarışı keçirilib.
Yarışda ABB-nin komandası da iştirak edib. “ABB bizik” devizi ilə çıxış edən komanda ayrı-ayrı dövlət qurumlarından və şirkətlərdən 34 komandanın iştirak etdiyi yarışda birinci yerə çıxıb.
Mükafatlandırma tədbirində Azərbaycan Həmkarlar İttifaqları Konfederasiyasının sədri Sahib Məmmədov da iştirak edib. ABB komandasına çempion kuboku, “Fəxri Fərman”, komanda üzvlərinə diplomlar və digər mükafatlar təqdim olunub.
ABB-nin müasir, faydalı və universal məhsul və xidmətləri barədə məlumatları Bankın filial və şöbələrindən, //abb-bank.az/ rəsmi internet səhifəsindən və ya 937 nömrəli Məlumat Mərkəzindən, həmçinin rəsmi “Facebook” səhifəsindən əldə etmək olar.
