Azərbaycan noutbuk istehsalını 3 dəfə ARTIRDI - RƏQƏMLƏR

Azərbaycanda kompüter, elektron və optik məhsulların istehsal həcmi 2024-cü ilin ilk 11 ayı ərzində əvvəlki ilin eyni dövrü ilə müqayisədə 7,1 faiz artıb.

Sfera.az Dövlət Statistika Komitəsinə istinadən xəbər verir ki, əvvəlki ilin müvafiq dövrü ilə müqayisədə noutbukların istehsalında 3 dəfə, ölçmə cihazlarının istehsalında isə 27,6 faiz artım qeydə alınıb.

Bu il 1715 ədəd noutbuk istehsal olunub. 2023-cü ilin 11 ayında istehsal edilən noutbuk sayı 572 ədəd idi.

Stolüstü kompüter istehsalının sayı isə xeyli azalıb. İlk 11 ayda 2139 ədəd stolüstü kompüter istehsal edilib ki, bu da 43,3 faiz azalma deməkdir.

Vasif

Sfera.az