Bu məhsullara xərclənən pul 8 milyard manatı ÖTDÜ - RƏSMİ

2024-cü ilin yanvar-noyabr aylarında pərakəndə ticarət şəbəkəsində Azərbaycan əhalisinin toxuculuq məhsulları, geyim və ayaqqabılara xərclədiyi pul 8 milyard manatı ötüb.

Sfera.az Dövlət Statistika Komitəsinə istinadən xəbər verir ki, istehlakçılar 8 milyard 71,5 milyon manatlıq toxuculuq məhsulları, geyim və ayaqqabılar alıb.

Ötən ilin eyni dövründə əhalinin bu mal qrupu üzrə xərclədiyi pul 7 milyard 542 milyon manat idi. Bu il sözügedən mal qrupu üzrə xərclər 529,5 milyon manat, yəni 7 faiz artıb.

İnflyasiyanı nəzərə alsaq, toxuculuq məhsulları, geyim və ayaqqabılara çəkilən xərclərdə real artım 5,4 faiz təşkil edib.

Qeyd edək ki, Azərbaycan əhalisi mal qrupları üzrə ən çox pulu məhz toxuculuq məhsulları, geyim və ayaqqabılara xərcləyir.

Statistik məlumatlar göstərir ki, əhali toxuculuq məhsulları, geyim və ayaqqabıların alınmasına bu il hər gün 24,16 milyon manat, hər ay 725 milyon manat ayırıb.

Vasif

Sfera.az