Azərbaycanda inflyasiya yenidən güclənir - STATİSTİKA

Azərbaycanda illik qiymət artımlarında yenidən güclənmə müşahidə edilir.

Sfera.az Dövlət Statistika Komitəsinə istinadən xəbər verir ki, illik inflyasiya 2024-cü ilin noyabrında 2023-cü ilin eyni ayına nisbətən 4,4 faiz artıb.

İllik inflyasiya bu ilin aprelində sıfır faiz həddinə düşdükdən sonra bahalaşma sürəti iyunda 1,1 faizə, sentyabrda 3,4 faizə çatdı. Noyabrda isə qiymət artımının sürəti daha da artaraq 4,4 faiz olub.

Bu il qiymətlərdəki artımın əsas təkanverici qüvvəsi pullu xidmətlər və qida məhsullarıdır. Bir ildə pullu xidmətlərin qiymət səviyyəsi 6 faiz, qida məhsullarının qiymət səviyyəsi 4,4 faiz yüksəlib. Qeyri-qida məhsullarının qiymətində isə 2,2 faiz artım baş verib.

Vasif

Sfera.az