“Bitcoin” rekord qırdı, daha nə qədər yüksələ bilər? - İqtisadçı AÇIQLADI

Xəbər verdiyimiz kimi, dünyanın ən bahalı kriptovalyutası olan “Bitcoin”in qiyməti ilk dəfə olaraq 100 min dollar həddini ötüb.

Bununla bağlı Sfera.az-a açıqlama iqtisadçı Eldəniz Əmirov deyib ki, “Bitcoin”in 200 min dollara qədər yüksəlməsi mümkündür:

“Çünki idarə edilən bazar tələbi bu köpüyün durmadan şişməsini təmin edir. Lakin 200 min, maksimum 250 minlik həddən sonra tələbin azalması mümkündür. Bu isə yenidən qiymətlərin enməsinə səbəb ola bilər”.

Ekspert bildirdi ki, tələbin 200 minlik həddən sonra da yüksək saxlanılması üçün birja və ya kripto platforması “Bitcoin”in müəyyən bir hissəsini təmsil edən, tokenlər və ya derivativlər kimi kiçik paylar yarada bilər. 

“Nəzərə alaq ki, divarları nisbətən qalın olan sabun köpüyünü də ortasından basaraq xırda köpüklərə parçalamaq olur”, - ekspert yekunlaşdırıb.

Günay