Dünyada qəhvə bahalaşdı - YENİ QİYMƏT

Noyabr ayı ərzində dünyada qəhvə qiymətlərində sürətli artım müşahidə edilir. Bu artımlar hesabına qəhvə qiymətləri yeni rekord həddə çatıb. 

Sfera.az birja məlumatlarına istinadən xəbər verir ki, noyabrın əvvəlində bir funt (0,453 kq) qəhvənin qiyməti 2,42 dollar idi. Cəmi bir ay ərzində qəhvənin qiyməti 3,28 dollara qədər artıb. Dünən birjalar bağlananda 1 funt qəhvə 3,21 dollara satılıb. 

Qeyd edək ki, bir funt qəhvənin qiyməti 3,21 dollar olduqda bir kq qəhvə 7,06 dollar təşkil edir. 

Qəhvə qiymətlərinin artmasının səbəbi Braziliya ilə bağlıdır. Braziliya dünyada ən çox qəhvə istehsal və ixrac edən ölkədir. Braziliyanın qəhvə istehsalçıları istehsalı azaltmaqla qiymətlərin artmasını və gəlirlərin yüksəldilməsini hədəfləyirlər. Buna görə də dünyada qəhvə qiymətləri yüksəlir. 

Azərbaycanda noyabrın əvvəlində tez həll olunan 100 qramlı qəhvənin orta qiyməti 7,3 manat olub. Əgər noyabrdakı bahalaşmadan sonra qiymətlər sabitləşərsə, yəqin ki, Azərbaycanda da qəhvə qiymətləri yüksələcək. 

Vasif