Mərkəzi Bank valyuta bazarına MÜDAXİLƏ ETDİ - Son 10 ayda ilk dəfə
Azərbaycan Mərkəzi Bankı (AMB) oktyabrda valyuta bazarına satış yönlü müdaxilə edib.
Sfera.az AMB-yə istinadən xəbər verir ki, satış yönlü müdaxilə edilməsinə səbəb dövlət xərclərinin artmasıdır:
“Xarici valyutada dövlət xərclərinin (dövlət layihələri və tədbirləri, müdafiə, xarici valyutada öhdəliklərin azaldılması və digər strateji əhəmiyyətli) icrasına dəstək məqsədilə 424 milyon ABŞ dolları məbləğində xüsusi satış olub. Beləliklə, Mərkəzi Bankın valyuta ehtiyatları 10 ayda 241 milyon ABŞ dolları azalıb. Valyuta satışı Mərkəzi Bank tərəfindən 2023-cü ildə valyuta bazarından alınan 2,1 milyard ABŞ dolları həcmində xarici valyuta hesabına aparılıb”.
AMB-nin açıqlamasına görə, valyuta satışı əvvəlki illərdə alış yönlü valyuta müdaxiləsi hesabına artan pul kütləsinin bir hissəsini sterilizasiya etməyə imkan verir ki, bu da ortamüddətli dövrə makroiqtisadi dayanıqlığı dəstəkləyir.
Vasif
Sfera.az
