Bütün ölkələrin ümumi dövlət borcunun bu il 100 trilyon dolları keçəcəyi gözlənilir ki, bu da qlobal ÜDM-in təxminən 93%-ni təşkil edəcək.

Sfera.az xəbər verir ki, bu barədə Beynəlxalq Valyuta Fondu (BVF) hesabat yayıb.

"Qlobal dövlət borcu çox yüksəkdir. 2024-cü ildə 100 trilyon dolları (qlobal ÜDM-in 93%-i) ötəcəyi və onilliyin sonuna kimi artmağa davam edəcəyi gözlənilir (2030-cu ilə qədər ÜDM-in 100%-nə yaxınlaşacaq). Ölkələrin təxminən üçdə ikisində azalma olsa belə, bu, pandemiyadan əvvəl nəzərdə tutulan səviyyələrdən xeyli yuxarı olacaq”, - hesabatda deyilir.

Fondun ekspertləri aprel ayında bildiriblər ki, bütün ölkələrin ümumi dövlət borcu 2023-cü ildə təqribən 2 faiz bəndi artaraq qlobal ÜDM-in 93,2%-nə çatıb, ABŞ və Çinin ÜDM borcları 2023-cü ildə müvafiq olaraq 2 və 6 faiz bəndindən çox artaraq artımda lider olub.

Firuzə Əliyeva